容祖兒（Joey）和陳奕迅（Eason）昨日到港台出席「第十五屆國際流行音樂大獎」活動，兩人大談對外國歌手的看法。
提到BritneySpears在MV中僅以性感鑽石裝遮掩三點，Joey坦言不介意效法，她說：「MV好睇就得，因為MV可以幫助唱片銷量，但係現場我就驚會走位。」而Eason則笑稱樂隊Westlife為「西生活」，並表示他們隨便可在模特兒公司找到，言下之意暗示他們只靠樣靚。
Eason剛完成電影《愛作戰》，提到與英皇的合約問題，他否認以舊價簽約，Eason說：「重爭啲乜嘢就唔方便講，好似男女嗌交，都唔需要畀第三者知啦，我唔係話嗌交呀，呢個比喻唔係咁好㖭。」對於有報道指徐濠縈在IT任職，Eason說：「佢返咗好耐啦，啲人好似慣咗攻擊佢，試過有周刊問佢：『陳爸爸坐緊監，你重有心情行街。』啲人儍嘅，你話㷫唔㷫呀，唔通留喺屋企守寡咩。」
採訪：駱華齡 攝影：陳慧安