台灣局勢到目前仍未平靜，唔好話台灣股市勁跌，香港股市噚日亦受波及，但經紀黃仍然話唔使驚，有得炒就繼續炒，反正炒鬼如小初之流，買賣嘅股份好多都唔受大市影響。
講真嗰句，小初都覺得有啲驚，噚日炒起上嚟都窒住窒住，一路且戰且退。
小初今日想講嘅股票，就係早排短炒過一轉嘅華人置業（127），隻股早前一度湧過上去5.65元的高位，但只係試一試高位就回落得好快，一度跌落5元樓下，但在各方友好力頂之下，近日抽番上5元附近打橫行，就算噚日大市急跌兩百幾點，華置跌至5元已見支持，收市頂番上去5.10元，冇起跌．但成交就顯著回落，只得471萬元。
經紀黃話，華置將於3月29日公布業績，公司早排講明，以往曾經勁蝕嘅證券投資部份，將會錄得盈利，所以一早有分析員睇好華置。
華置公布業績前，似乎企得好穩陣，但博唔博得過就見仁見智。
慕容小初