周麗淇昨日往中環麗嘉酒店，出席由她任代言人的「花王Biore粉紅瑩白系列」產品記者會，收取六位數字酬勞的她，開心表示距離買樓計劃又跨進兩大步。
周麗淇說：「媽咪都問我幾時可以去睇樓，我自己就希望有間背山面海，喺四十幾樓就最好，不過媽咪就話驚咁高，火災走唔切。」
首次開金口唱廣告歌的周麗淇說：「好開心呀，好似個仔終於出世咁。」問她對自己的歌藝評多少分？她說：「分係人哋畀嘅。」
近期周麗淇不眠不休與陳奕迅合作拍攝新片，創下二十七小時沒有睡覺的紀錄，她說：「拍呢套戲都好多難忘事，好似我唔識游水，但係要拍落水救人同潛水嘅戲，同埋個角色成日要大嗌同狂奔，搞到個人都拉得好緊，就快精神分裂咁滯，我試過聽到鬧鐘響以為係電話響，擺喺耳邊自問自答㖭。」
採訪、攝影:DebbieLum