來自日本嘅萬事得汽車，除近期推出多個新車系屢獲殊榮外，最近佢哋又榮獲由英國權威汽車業《AM》雜誌，所頒發嘅「Carmakeroftheyear2004」獎項。
記者：鄭達基
相當於電影界奧斯卡金像獎嘅「Carmakeroftheyear」殊榮，係由《AM》雜誌邀請咗行內嘅專業人士，組成一個獨立嘅評審團，並根據各間汽車品牌於創意、質素及服務等主要三方面表現作詳盡評審；此外，佢哋更委託一所獨立嘅顧問公司，對各品牌嘅汽車代理商進行多方面評估，包括訪問及顧客意見調查等等，然後提交報告給評審團作參考。最後經過綜合各方面嘅結果顯示，萬事得喺芸芸汽車品牌中脫穎而出，成為「Carmakeroftheyear2004」獎項嘅得主！