【本報訊】「當時好混亂，好驚，都唔知點解㗎車無緣無故衝上行人路。」一名在車禍中僥倖只受輕傷的姓陳（十三歲）女傷者，憶述事發經過時猶有餘悸，並謂：「事發後個司機有落車，但唔見佢有幫手救人。」
陳女童說，當時她與一名十餘歲女性友人正在現場路邊行人路擬橫過馬路，突然該輛私家車高速衝上行人路，並迎面向她們衝來，由於事件來得太突然，被嚇至呆在現場「唔識走」，結果被該車撞倒，頭部及手部擦傷，幸只是輕傷，其友人亦在走避時被車撞跌，及遭途人踏傷腳，與她一起送院敷治後，已無礙出院。
「㗎車衝上行人路後，七、八個傷者、大部份係女人瞓喺地下，有人嗌救命，有人大聲喊，場面混亂」一名在車禍現場附近珍寶商場地下工作的員工，形容車禍發生後場面混亂，部份傷者驚慌呼救，要旁人安慰。