二人女子組合at17昨天在烏溪沙舉行商台「903十一團火」音樂會，黃耀明、方力申、Cookies等都有撐場，楊千嬅負責「接棒儀式」，頒贈大旗給她倆，而at17唱出歌曲《成人禮》時，何韻詩則以單簧管伴奏，可惜阿詩表演失準，出現走音情況。事後她謂：「吹單簧管要好夠氣，之前我喺台上已經跳到冇氣！」
Cookies成員Kary被指追求李逸朗，Kary聽後即說：「黐線！佢係我同學嘅朋友，我哋未入行已經識。我對佢冇feel，只可做朋友。」而稍後會接力做演唱會的方力申，準備減肥兼為音樂會選歌，問到會否選其緋聞女友鍾欣桐的歌曲及請她觀看時，他說：「我冇揀女仔歌，怕大家敏感，我都係等我啲朋友問我先畀飛佢哋。」