長江實業董事總經理兼副主席李澤鉅（小超人）係港大校董會成員，當然同港大關係密切，八方噚日就收到佢地嘅資料，原來小超人上周六應港大建築系主任龍炳頤教授邀請，擔任「建築文物保護課程」客席講者，向三十多名同學傳授心得。
大家可能好想知小超人講乜，當然同建築有關，題目係「密度高低與高度高低」。小超人更特別用長實旗下項目做例子，解釋發展受保護文物及環境保育時可對各界都有好處。佢舉嘅例子分別係舊水警總部及元朗豐樂圍發展項目。八方記得長實搞豐樂圍項目用咗十多年，難怪可以用嚟做教材。
傳真︰2623-9278
電郵︰