李柱銘今晚十一點將會同個仔Joey現身有線63台，父子兵上陣講波經。八方知道咗之後好意外，因為Joey一向好低調，對上一次喺電視機上見到佢同馬丁一齊，好似已經係好多年前嘅事，當時嘅Joey只係一個小男孩。
八方噚日搵到Joey，佢話個節目係幾日前錄影，佢話好唔慣面對鏡頭。講到佢捧嘅球隊，原來係布力般。Joey自言呢隊波近來表現麻麻，只不過自己已經捧咗佢哋成十年，捧開有感情。問到馬丁點睇自己同仔仔嘅合作，佢不知幾識賣關子，叫八方今晚自己睇，順便幫有線賣埋廣告。
傳真︰2623-9278
電郵︰