台灣大選高潮迭起，好睇過電視連續劇，香港呢邊亦好多人關注，噚日有口痕友喺網上話，綠營嘅陳呂票數有古怪，因為數目係6,471,970票，睇真啲，係六四、七一同九七，呢三組數字，正正代表咗香港最敏感嘅幾件政治事件。喺中共看來，又會咁啱得咁蹺，三組數字都篤眼篤鼻。
講開造票疑雲，有去台灣睇大選嘅學者同八方慨歎話，真係大開眼界，原來台灣嘅各大電子傳媒可以「憑空」作啲票數出嚟。
事緣前日下午五時左右，台灣選舉委員會只點咗數十萬票，各大電子傳媒已經話點咗幾百萬票，重一路話連宋陣營領先，搞到香港學者信以為真，接受電視台訪問時根據呢個數據預測連戰會贏，點知到六點幾先知真相，八方惟有慶幸香港嘅傳媒喺呢方面尚算克制，會講明係預測定係官方實數。
傳真︰2623-9278
電郵︰