台灣總統選舉塵埃落定，阿扁成功連任，最唔高興嘅當然係大陸，但重有一班人都好唔高興，就係一直強烈支持中共嘅維園阿伯。噚日港台節目《城市論壇》討論台灣大選對兩岸三地嘅影響，原本應承咗話會嚟嘅光華新聞文化中心主任路平因台灣大選結果爭拗，佢要留喺辦公室監察住事態發展，臨時甩底，出席唔到論壇，令一直要求加快香港民主步伐嘅另一位講者鄭宇碩變成呢班死硬派維園阿伯嘅主要圍罵目標，有一個阿伯更自備大聲公不斷叫罵，搞到個節目中斷過幾次，連在場嘅警察都無晒佢符，八方覺得呢班維園阿伯咁厲害，大陸應該搵佢哋去台灣同台獨分子拗，話唔定佢哋可以拗贏都未定。
（圖右）鄭宇碩噚日出席《城市論壇》，成為咗班維園阿伯嘅圍罵目標。
傳真︰2623-9278
電郵︰