名模陳嘉容、李嘉慧及AnaR.等前日往中環演出品牌MarinaRinaldi新裝騷。剛自紐約拍攝護髮廣告回港的陳嘉容，遭髮型師狠剪四吋秀髮，她大表心痛，並指原定計劃拍攝的寫真集亦要押後至明年。
混血名模AnaR.、陳嘉容、李嘉慧及楊崢等，前日往中環為品牌MarinaRinaldi示範春夏新展。剛自紐約拍攝Loreal染髮產品廣告回來的陳嘉容，秀髮大幅度剪短了。
陳嘉容一見記者即扁嘴說：「好hurt呀，我一坐低俾個髮型師剪頭髮，佢唔覺唔覺咁就剪咗我四吋頭髮，我望住啲頭髮跌落地，都唔知幾傷心。個髮型師就安慰我剪咗嗰啲全部係我開叉嘅頭髮嚟，廣告商事前同我講，話只會剪少少頭髮，早知係一剪剪咁多，我寧願唔拍呢個廣告。」
問陳嘉容其髮型師男友RickyKwok對她的新髮型有甚麼評語？她說：「佢就安慰我話好睇，話睇起嚟young咗。」
陳嘉容並說：「我計劃咗好耐影嘅寫真集，就係一路留長頭髮，留到可以遮住胸部，𠵱家頭髮短咗咁多，又要留過，我諗起碼要出年先影得成啦。」
記者提議陳嘉容可駁髮或戴假髮，她則說：「咁樣點都唔夠用真髮咁自然嘅。」她並指在紐約拍廣告期間，天天都下大雪，她亦沒有心情購物，大部份時間都留在酒店房間。
採訪：DebbieLum
攝影：MatthewLam
