重有個幾星期又到一年一度兒童節，冇幾耐就接住一連幾日嘅復活節假期。呢排大使見唔少商場食肆，已經紛紛推出應節禮品同套餐招徠，希望藉佳節刺激消費，帶旺市道。
不過，喺目前香港經濟仍未完全復甦情況下，好多家庭要節衣縮食，以免入不敷支；唔少綜援家庭更加同大使呻，自從社會福利署喺舊年開始削減綜援金同埋學童嘅就學津貼之後，佢哋連應付基本生活費都覺得吃力，遑論有餘錢與孩子消遣玩樂。
有見及此，蘋果日報慈善基金「童夢成真」計劃現展開本年度「兒童圖書送禮行動」，喺兒童節前夕安排送出益智課外圖書，藉以增廣孩子嘅課外知識，培養良好閱讀習慣，同時讓佢哋感受社會人士關懷。
弱勢社群嘅孩子可以喺本月31號前填妥許願表格（見表），傳真或寄交：將軍澳工業邨西駿盈街八號蘋果日報慈善基金收，信封面註明「蘋果基金童夢成真行動」，待基金審核符合資格後，將盡力助孩子達成心願。另社會服務機構可以計劃形式提出申請購買圖書，送贈有需要學童；讀者亦可透過捐款支持，好讓更多貧苦兒童受惠。
「兒童圖書送禮行動」捐款編號：C0508
暖流熱線
電話：29908688
傳真：23702192
電郵：
網址：