快將抵港嘅全新紳寶9-3Convertible，不但賣相及車廂鋪排，絕能顯現出一份豪邁個性外，原來佢嘅性能表現亦好突出㗎！
記者：鄭達基
新車將有多台引擎供用家選擇，但抵港嘅型號主力以一台2.0公升Turbo偈（馬力175匹或210匹）作核心，加上強勁扭力輸出，起步加速反應靈敏有勁，性能表現毋庸置疑；與此同時，新車更擁有跑車化底盤結構，配合上大口徑跑車合金胎軨，循迹表現甚佳。另外，高效能碟煞加MBA（MechanicalBrakeAssist）系統，輔以ABS連EBD、ESP及CBC等系統，制動表現亦能予人十足信心。