房屋及規劃地政局局長孫明揚，噚日上電台接受鐵蝴蝶任關佩英訪問。孫公話自己做咗三十八年公務員，一路都冇乜野心。鐵蝴蝶話，佢以前跟孫公學咗好多嘢，連煮嘢食都跟佢學。孫公話，佢最鍾意整雞，重即席透過空氣教整雞。首先當然要買隻雞，但就唔好太大隻，洗乾淨之後，塞啲葱入去雞肚裏面，隔水蒸，蒸到熟咗就搵手撕嚟食。
孫公又提到近日嘅樓市復甦，佢話舊年十一月，人人都以為只係小陽春。點知過去嗰六個月，等如過去嗰六年，因為六年嚟都冇乜升。佢又提到紅灣半島可能會拆咗再起過單嘢，話啲樓起得幾好，唔應該拆喎。
傳真︰2623-9278
電郵︰