薛家燕和劉凱威昨日於紅磡為無綫劇集《皆大歡喜》拍攝跳海戲，對於無綫動作特技指導郭追的兒子陳業升，在執勤時被醉駕司機撞死，家燕姐說：「郭追好難過，聽佢哋話事發當日，個仔重同阿媽講話好耐未飲過湯水，點知嗰晚就出事，佢阿媽去完現場返屋企對住煲湯，都喊到收唔到聲，我聽到都好難過，希望啲人唔好再飲酒揸車。」
昨日拍攝的跳海戲，無綫安排了兩名替身跳海，家燕姐說：「我為咗觀眾、公司同我三個仔女，所以我係唔可以親自跳嘅。」問到羅浩楷的病情時，家燕姐說：「佢已經出咗院，噚日重打電話畀我，目前唔係太郁得，應該下個禮拜四就可以復工。」
採訪、攝影：王崇穎