粵劇名伶白雪仙獲香港大學頒發榮譽學位，職工盟立法會議員劉千石居功不少，事關身兼港大校董嘅石哥係提名人之一，有民主派人士話，石哥同仙姐關係良好，喺粵劇界有一定地位，不如諗諗轉吓陣，今年九月立法會選舉殺入體育、演藝、文化及出版界硬撼霍震霆。
小霍老竇霍英東位列國家領導人，石哥雖然知名度極高，但出戰功能組別隨時陰溝裏翻船，不過呢位民主派人士分析，小霍主要靠二百幾個體育會嘅票，若有人可以攞晒文化、出版、演藝界嘅票，小霍就危危乎。
若果石哥真係轉戰功能組別，咁大狀湯家驊就可以殺入九龍西，呢個布局真係可以話「一石兩位」！之不過咁，仙姐一向不問政事，況且𠵱家石哥都可以返廣州探親吖，如果貿然狙擊領導人之子，隨時親都冇得佢探！石哥睇怕要諗清楚先出招。
（圖）石哥（右）係頒授學位予仙姐（左）嘅提名人，二人關係良好。
傳真︰2623-9278
電郵︰