政改問題民主派同土共拗到火紅火綠，唔使阿爺開聲親中人士已經歸邊，不過上周三立法會辯論由民主黨涂謹申提出，要求港府攞具體政改諮詢時間表出嚟嘅動議，卻出現令人意外嘅情況。
涂謹申動議被否決係意料中事，意外嘅係當日一啲親北京嘅功能組別議員，竟然投票支持涂謹申動議，當中包括會計界李家祥、保險界陳智思同工業界呂明華，由於北京堅持先談法律程序同原則，涂謹申要求有政改時間表嘅動議遭民建聯反對，自由黨則走精面投棄權票。
涂謹申認為呢個結果極之微妙，佢話連煲呔曾發言時，都要求議員投票反對民主黨動議，呢幾位功能組別議員卻唔聽話投支持票，令佢喜出望外之餘，亦證明市民對民主訴求畀到壓力功能組別議員，「如果投反對票，選舉時會俾人批評唔民主，今次證明民主潮流真係冇人可以抗拒。」
傳真︰2623-9278
電郵︰