七十歲的霍伯，無親無顧，十年前退休後依靠積蓄過活，曾因無力繳付屋租，露宿街頭長達一年多，目前以貨倉雜物房為家。
近日，霍伯獲房屋署編配一個單身人士公屋單位，終可擁有一片屬於自己的屋簷。蘋果日報慈善基金發放一筆緊急援助金，助霍伯應付搬屋開支。
「間公屋梗係好過𠵱家住嘅地方，沖涼方便啲，出入都自由啲。」霍伯對新居讚不絕口。
霍伯患嚴重哮喘，原職酒樓工作，退休數年後耗盡所有積蓄，以致無力繳付租金，一度無家可歸。
近年一直協助霍伯的露宿者行動委員會義工周樹德稱：「霍伯冇錢交租，業主都冇追佢，但佢覺得唔好意思住落去，寧願去公園瞓，瞓咗年幾。我見佢咁慘，就搵咗朋友嘅貨倉一間房仔畀佢暫住。」
去年初，霍伯獲社會福利署批出綜援金，近日其公屋申請又獲批核，霍伯終可過些安穩日子。惟霍伯靠社署發放的搬遷津貼，僅夠支付水電、煤氣及屋租按金，其他雜費需由他自行負擔。
霍伯的個案由露宿者行動委員會轉介，蘋果日報慈善基金撥款三千元，助霍伯應付搬遷雜項開支。霍伯現尚欠一室家具電器，盼獲善長捐贈。
捐款編號：C1317
暖流熱線
電話：29908688
傳真：23702192
電郵：
網址：