近期香港嘅政制爭論，中央班護法成日攞鄧小平出嚟講，唔知係咪聽得多會潛移默化，金融管理局總裁任志剛都「趕潮流」加入，噚日喺一個商界研討會演講時，學人引述鄧小平啲金句，作為香港國際金融中心未來發展路向嘅指導思想。成個過程，任總直情好似鄧小平上身咁，今次真係夠晒政治正確！
任總噚日首先引述鄧總舵主話「金融很重要，是現代經濟的核心」，去闡釋如果冇經濟，金融係冇佢自己嘅生命同發揮空間；跟住佢又搬出金句：「做老實人，說老實話，幹老實事，就是實事求是。」呢句即係話，國內現仍嚴格監管金融體系，香港想做人民幣離岸中心暫時機會仍不大，因此要實事求是，先做好與內地有關嘅國際資金融通同國際經濟活動的業務。
再嚟一句：「中國是一大的市場，許多國家都想同我們搞點合作，做點買賣，我們要好利用。」所以任總話，香港金融界要竭力爭取呢啲商機。最後一擊係：「機會要抓住，決策要及時，要研究一下哪些地方條件更好，可以更廣大地開源」。結論係金管局會繼續向國內爭取QDII同埋進一步辦理人民幣銀行業務。今次演講，任總真係做足功課！
（圖）任總全程演講不斷引用鄧小平講話，夠晒政治正確。
傳真︰2623-9278
電郵︰