前日凌晨執勤時慘被醉駕司機撞死的交通警員陳業升，其父正是藝名郭追的無綫動作特技指導。郭追原本要為劇集《皆大歡喜》和鄭少秋主演的《楚漢驕雄》開工，但意外發生後，無綫即安排他放假，以便辦理兒子的喪事。
無綫藝員發展科經理譚宇洪昨在電話中說：「郭師傅噚日打電話通知我哋，我哋安慰佢之餘，亦叫佢唔使擔心，佢嘅工作我哋會搵人頂上，如果佢需要嘅話即管出聲，無綫一定會幫忙。」
跟郭追同是張徹徒弟的羅莽昨激憤地說：「我睇住佢個仔大，發生啲咁嘅事真係好心痛，飲酒啲人就唔應該揸車，撞親人嘅好大鑊㗎嘛，試問你點同對方屋企人交代呀？呢啲人應該拉去坐監！」原來郭追亦有參與演出《見鬼２》，在片中飾演法師，《見》片監製陳可辛對郭追兒子不幸離世感到可惜。
而方中信昨在紅磡出席活動時說：「我識郭追，我覺得醉酒駕駛撞死人，罪加一等，但我就未見過死者。」
採訪：戴彩煥 攝影：楊潔雯
