於美國參加《全美偶像大選——一夜成名》的二十一歲香港移民孔慶翔（WilliamHung），因為一句「我已盡了力，我毫無遺憾」而成名，風頭一時無兩，他已與音樂頻道FuseMusicNetwork及唱片公司KochRecords簽約，於下月六日正式推出個人大碟《TheTrueIdol》（真正的偶像）。
除一償做歌星的心願外，金牌經理人公司老闆黃柏高（Paco）亦對孔慶翔感興趣，希望邀請他在電影《我要做Model》內客串一角，據悉初步構思孔慶翔在片中會行天橋，亦會安排他與男主角鄭中基演對手戲，兩人更有望合唱一曲。
導演谷德昭則表示現正聯絡孔慶翔，他說：「我哋睇咗好多佢嘅資料，我覺得佢係一個有信念嘅年輕人，亦覺得呢套戲真係啱佢做，總之個角色唔會醜化佢，𠵱家一切重係聯絡當中。」
男主角鄭中基亦期待與孔慶翔合作，他昨日在電話中說：「我都係啱啱先收到呢個消息，佢咁勁，我梗係好期待同佢合作啦，睇吓導演有乜嘢諗頭，大家一齊做番part啦，如果可以合唱番一曲都唔錯，相信一定會有火花。」問會否怕被對方搶風頭，他說：「希望我可以盡量keep住啦，不過冇辦法，佢太犀利。」
此外，美國電視節目《ExtremeMakeover》的顧問牙醫，聲稱要為孔慶翔提供免費矯齒手術，可惜他遲遲都未能與孔慶翔聯絡。
採訪：張止寒