陳慧嫻近日被人偷去私人信件，她昨日接受商台查小欣的電話訪問時，怒氣沖沖地說出事發經過。
陳慧嫻說：「噚日我男朋友喺診所門口遇到一男一女記者，不停問佢問題。之後我媽咪就打畀我講有怪事發生。媽咪屋企嘅大廈係有兩座嘅，管理員攞咗一叠信嚟，話寄錯咗去隔籬座。之後媽咪就將叠信放喺屋企門口張枱度，然後就帶狗出咗去。叠信係有環球唱片嘅版權通知書同支票。」
陳慧嫻續說：「喺跟住嗰個鐘頭內有一男一女走入嚟大廈話搵陳太，看更登記咗個男人個名同身份證號碼後就畀佢哋上去。媽咪返到屋企之後發覺門口叠版權通知書唔見咗，我就叫佢報案，份嘢有好多我簽約時嘅私隱嘢，如果登咗就即係賊。佢犯嘅係刑事，我一定要經過法例去制裁呢啲人。」
而環球唱片方面表示，昨日會計部已即時將寄給陳慧嫻的支票取消，經過此事後，環球打算改以掛號或其他方法寄出版稅。