溫碧霞早前為內地推出的寫真集舉行巡迴簽名會，她表示最難忘的是在寧波的簽名會，受到當地Fans熱情擁戴，不過正因為fans過份熱情，現場變得相當混亂，簽名會亦被迫腰斬。
溫碧霞近年來主力在內地發展，數月前她更接演了一齣內地劇集，該劇最近終於完成拍攝。
溫碧霞表示在未來兩、三個月將不會再接演內地劇，希望可以多留一點時間陪伴家人。
溫碧霞較早前在峇里島拍攝寫真集，該寫真集最近在內地發行，溫碧霞上周就在寧波和蘇州為新出版的寫真集舉行簽名會，當日在寧波商場內舉行的簽名會，出席的fans十分熱情，人數更多達數千人，場面一度失控，簽名會亦因而被迫要腰斬。
之前已到過杭州做過簽名會，今次再到寧波，溫碧霞表示：「我真係冇諗過喺寧波嘅簽名會會搞到咁混亂，大會已經安排咗幾十個保安喺現場維持秩序，但現場啲歌迷太瘋狂，我簽名嗰陣，突然有過百Fans蜂擁撲過嚟，我都嚇咗一跳，現場嘅保安見到咁嘅情況，即刻帶我離開現場。」
溫碧霞表示估不到情況會變得如此混亂，為保她的人身安全，主辦單位決定腰斬簽名會。
溫碧霞說：「經過寧波嘅經驗，之後去蘇州舉行簽名會嗰陣，因為再加強咗保安，所以就冇咁混亂啦！」
溫碧霞續說：「做完簽名會後，下半年我計劃主力喺香港發展，暫時唔想再去內地拍劇，因為做咗人哋老婆，我唔想成日陪唔到老公。」
