應屆金像獎候選影帝任達華自言在演藝界工作面對很大壓力，如何減壓？原來他愛拿着相機四出獵影，最愛為名模太太琦琦拍寫真。他更表示攝影可令他投入另一個特別的空間，令腦部得以紓緩。
任達華近年酷愛攝影，他不諱言在娛樂圈工作面對的壓力加倍，所以平時他有自家一套減壓方法，就是拿着相機四處獵影。
任達華表示拿着相機獵影，可以投入另一個特別的空間，令腦部得以紓緩。他日前拿着向友人借來的古董相機到石澳影寫真，他說：「我都好喜歡珍藏呢啲古董款式嘅相機，雖然佢哋嘅性能未必及得上新款相機，但係佢哋都有一定特色。」
憑電影《PTU》有份角逐「第二十三屆香港電影金像獎」影帝，任達華雖然充滿信心，但頒獎禮一日一日倒數，壓力遞增，他便拿起相機減壓，他說：「我咁啱見到屋企花園嘅花開得好靚，趁啲花喺春天開得咁靚，咪即刻用部相機影低佢，第時拎出嚟睇，都好開心。」
任達華表示為了拍下花朵盛放的情況，他吩咐傭人以玻璃片夾住灑了水的鮮花，並高舉向陽光處，然後他即以最佳角度拍攝。
問任達華喜歡拍攝人物，抑或實物？他說：「我其實兩樣都鍾意，有時我都會搵太太（琦琦）做模特兒，佢有時會唔化妝俾我影，咁可以影出佢最自然、最真嘅一面。」
採訪：比華利 攝影：陳慧安
