傅天穎（奀妹）和劉小慧日前分別為纖體中心拍攝了一輯性感照，奀妹更穿上三點式泳衣示人，近日簽約F4經理人柴智屏旗下的她，即將與朱孝天到內地拍劇。奀妹笑言幸好只是與孝天扮演兄妹，不怕打翻孝天歌迷的醋埕。
同樣身為減肥堂纖體中心代言人的傅天穎與劉小慧，近日分別拍了多款性感宣傳照。其中以三點式泳衣上陣的奀妹，其三圍35、25、35.5的苗條均勻身段更是顯露無遺。
奀妹休息了一段日子後，近日已簽約成為F4經理人柴智屏旗下的藝人，奀妹日前說：「柴姐主要處理我喺內地嘅工作，而台灣嘅工作就仍然由我嫂嫂代為安排。」
問到奀妹有甚麼新工作時，她說：「柴姐幫我接咗套內地劇，我會同朱孝天扮兩兄妹，下個月要去雲南開工，因為我扮妹妹，所以經理人𠵱家要我盡量打扮年輕。我都知道朱孝天好受歡迎，好彩唔係扮佢女友，否則一定會俾佢啲歌迷呷醋。」
奀妹透露身邊友人得悉她將與朱孝天合作後，紛紛表示屆時會抽空往探班，她說：「我最初奇怪點解朋友咁有心，事後先知佢哋主要係嚟見朱孝天，其次先係順便探我班，不過點都好，佢哋都有我心嘅。」
此外，已是一女之母的劉小慧為怕女兒尷尬，堅決不肯三點式泳衣拍攝廣告照片，她日前說：「我唔想囡囡同佢啲同學睇到尷尬，我好緊張個女嘅感受。而且揀着乜嘢衫事前都要問過老公（蘇志威），佢都唔准我太性感。」小慧近日經常到內地登台賺錢，她表示纖體後有不少片商斟介她拍電影，不過一切仍在洽談中。
採訪：比華利
