「跟咗廿年，淨係對我有興趣」
成龍日本Fans冷對祖明

成龍上周特別抽兩天空檔赴日本跟過千影迷見面，他表示這些影迷已跟了他二十多年，彼此已變成朋友。問成龍其影迷會否對他的兒子祖明特別有興趣？他說：「佢哋淨係對我有興趣咋！」

成龍上周遠赴日本跟逾一千名影迷見面，在當地逗留兩天的他表示影迷已跟了他二十多年，大家感情深厚，猶如朋友一樣，故此一有空檔，便專程跟他們會面。

「帶埋老公做影迷」
成龍日前說：「佢哋跟咗我廿幾年，我認識佢哋嘅時候，佢哋重係細路女，𠵱家變咗媽咪，有啲重係肥媽咪，帶埋老公做我嘅影迷。𠵱家我喺日本嘅影迷會有十幾萬會員，而國際影迷會有聯絡嘅影迷人數就有三十幾萬。」
為了跟影迷共敍，成龍出錢在日本租了一個會堂。影迷在聚會上問成龍喜歡在甚麼地方拍戲，成龍對此表示沒有特別喜好，不過未來他會在亞洲和美國兩邊拍戲，以迎合不同觀眾的口味。

唔會再有過激行為
記者問成龍其影迷可對他的兒子陳祖明特別感興趣？他說：「好奇怪喎，佢哋冇問我個仔嘅嘢，淨係對我有興趣咋！」
成龍的日本fans以往十分瘋狂，甚至曾有人為了他自殺，對此成龍說：「咁多年過去，我自己成長咗，fans亦同樣成長咗，𠵱家嘅感覺就好似朋友咁。佢哋唔會再有過激嘅行為，我嘅壓力相對冇咁重，希望大家可以做好耐好耐嘅朋友。」