呂方早前為關心妍的演唱會擔任嘉賓，反應熱烈，令他對復出樂壇打下強心針。近期呂方更勤做運動保持最佳狀態，閒來踏單車練氣，又約女友鄭裕玲（嘟嘟）出席集體運動訓練，務求幾時都咁弗！
呂方已有三年沒出過唱片，早前他在關心妍（Jade）的個唱中擔任嘉賓，為重歸樂壇小試牛刀，而樂迷反應之佳令呂方喜出望外。
日前呂方在陽明山莊接受訪問時說：「其實我喺舊年十一月，都喺霑叔（黃霑）個演唱會上做過嘉賓，嗰次反應都幾好㗎。呢次做阿Jade演唱會嘉賓俾人讚，可能咁啱多記者啫，我嗰晚上台前都緊張㗎，隻手凍晒，手心出晒汗。點知一出場啲人就叫啦，我喺台上諗：『嘩！等我定一定神先，點解咁狂熱㗎？』所以我都好high呀！」
歌迷的踴躍支持，自然令呂方如注射了強心針，雖然他表示在樂壇上並無爭雄之心，但仍會努力保持最佳狀態，他說：「我係思想消極，行動積極，工作上會盡量做好每件事。如果日日諗住做影帝、做最受歡迎男歌手嘅話，咁就死得啦，不過自己都會勤力。我𠵱家好鍾意做運動，做完之後個人好精神，諗嘢又正面，唔知幾好呀。」
呂方表示閒時會與嘟嘟參加集體運動課程，有時又會獨自踏單車練練氣。問他會否叫嘟嘟購買其新碟以示支持？呂方卻說：「唔使啦，送畀佢啦。我唔會叫身邊啲人同埋啲friend去買我啲碟，唔通可以因為咁而賣多十幾萬張咩？」
談到陳慧嫻決定再次退出歌壇，呂方對此說：「其實係𠵱家成個樂壇都係咁，都有好多人啲碟唔賣得。𠵱家一年出一張都驚呀，出完呢張碟後，我都唔希望自己咁快再出碟，有得出吓碟，開吓演唱會，畀自己開心吓就算啦。」
採訪：朱倬誼 攝影：陳慧安
單車提供：CMSCycleSportsDevelopment
