杜麗莎（Teresa）昨日在港台接受訪問，她近日忙於籌備演唱會，Teresa說：「我啲歌揀好晒，只係未開始綵排，啲衫由我多倫多一個學生設計，上次演唱會都係佢幫我做衫。」問到今次服飾可會更性感，Teresa謂：「個學生知我着乜先最啱嘅，一定着到我又靚又瘦，我𠵱家好開心，瘦多五磅就重開心，不過我都係會集中精神去唱歌。」
提到許冠傑因被狗仔隊追訪而可能打消復出念頭，Teresa說：「可能𠵱家做傳媒嘅係年輕一輩，唔識尊重阿Sam，如果佢唔復出就好可惜，希望佢堅持啦，其實同傳媒坦誠啲就得，大家互相尊重囉。我同阿Sam唔熟，但都好尊重佢。」
採訪、攝影：駱華齡