由IBM開發嘅MicroDrive雄霸多年，一向以抵食夾大件吸引用家，尤其目前高解像DC如雨後春笋咁湧現，一啲小巧而大容量嘅記憶體一定受歡迎。不過MicroDrive將面臨勁敵挑戰，事關東芝自行開發嘅新一代微型硬碟，體積只有32×24×3至5mm，闊度差不多僅如一枚100日圓硬幣，非常之袖珍，而容量則為2至4GB，應用範圍就超廣泛，由PDA到手機等流動用品實用性最大，對未來發展影響深遠。最巴閉係英國《健力士紀錄大全》嘅2005年刊，已預咗個「全球最細硬碟」名銜畀佢，都咪話唔巴閉。微型硬碟預定今年暑假推出，目標係年尾進行量產化，OEM售價約三萬日圓（約港幣$2,190）。
記者：徐影龍
官方網址：