陳慧琳和李克勤昨日齊到銅鑼灣，出席道路安全議會的記者會，二人同被委任為「道路安全願景大使」。現場所見，Kelly一臉病容，聲音沙啞，她表示自己大感冒還沒痊愈，經常感到頭暈及身體乏力。
Kelly說：「我記得舊年失聲都係三、四月嘅事，一年後又係咁，我食過藥大昏迷咗兩日，𠵱家好頭暈，我諗住食完西藥後，睇中醫調理身體。」
此外，李克勤談到陳慧嫻的信件失竊事件時說：「近排咁多事，啲人為咗銷量都要諗吓人身安全同私隱先得㗎，好似宣萱啱啱搬嚟我附近住，佢未搬就俾人影咗間屋嘅裝修，附近居民開會時都投訴話我哋嗰頭成日見報。」克勤表示其寓所保安嚴密，而文件等垃圾都會先裁碎後才拿到距離較遠的垃圾站丟棄，以防遭人翻看其垃圾。
採訪：王連連 攝影：陳偉權