麥浚龍今日二十歲牛一，他前晚在港台舉行生日會，經歷過廉署「舞影行動」後的Juno，看見現場二百歌迷熱情支持，感觸得唱歌時亦眼濕濕，更有熱情歌迷在合照時，攬着他的腰，大送秋波。
麥浚龍（Juno）今天正式踏入二十歲，前晚港台為他預早舉行了一個生日會，近二百名歌迷到場，其中還有些放學後穿着校服趕來，而他的小師妹吳日言亦有出席，和他切蛋糕預祝生日。
在活動上，Juno與歌迷玩遊戲，他先表演「旋風腿」，不過他穿上有如「拖鞋」的鞋，所以旋風腿一出便把拖鞋踢飛。而他的歌迷則比賽做一字馬和Rap歌等。當頒獎時，有女歌迷與Juno合照，還熱情得用手攬他的腰，引起全場嘩然。
一班熱情歌迷分別送了很多禮物給Juno，如紙製紅館和紅色繡花枕頭等，去年經歷「舞影行動」的Juno看見大班支持自己的歌迷，最後唱到《有人》時亦眼濕濕，他說：「冇呀！可能啲頭髮『拮』親啦！」
Juno表示希望父親會送口琴和書櫃給他，至於生日願望，他就表示：「之前拍戲又做其他嘢，今年希望多啲人睇到我係邊個，而私人願望就唔講，講咗唔靈喇！」對於女歌迷的熱情舉動，Juno卻說：「唔緊要啦！最緊要大家開心，其實我頭先冇感覺到啲乜，可能我當時太緊張。以前都試過有歌迷主動錫我塊面。」記者笑問他有沒有和歌迷濕吻，他說：「呢啲係雙方面做喎！不過我冇試過。」
另外，對於近日陳冠希在街上被襲擊，又有人高調指要綁架關心妍，Juno表示不會因此而請保鑣保護自己，他說：「冇諗過呀！我通常都係做嘢先出街，其餘時間多數喺屋企。」
採訪、攝影：王連連
