德國嘅寶馬決定於嚟緊五月響英國市場，推出性能表現更強嘅全新X54.8is，其中最惹人注目嘅地方，會係佢所配用嘅一台4.8公升V8引擎，不但馬力及扭力輸出數值高達360ps/6200rpm，以及51.0kgm/3600rpm，喺一套6前速自動波箱輔助下，起步加速表現明顯敏捷有勁，0至100公里加速度亦只需6.1秒！
記者：鄭達基
寶馬X54.8is引擎備有Valvetronic及bi-VANOS技術嘅輔助，更有助降低耗油量，當然唔少得重有一套xDrive四驅系統，藉以提高操控表現！
講到外觀，廠方特別為新車加入跑車化頭尾泵把連整流器，襯以四輪20吋跑車合金胎軨連275/40R20（前輪）及315/35R20（後輪）輪胎，車廂色調及裝飾亦與原有型號有分別，真正內外大執位！
