三大護法邵天任、蕭蔚雲同許崇德來港交流，當然唔少得炮聲隆隆，八方聽聞有個別護法噚日早上覺得有點唔舒服要休息，臨時推咗傳媒嘅訪問。
不過，到咗中午，佢哋又生猛番喇喎，始終好少機會來港，當然要趁有空去探吓老友好似前草委查良鏞咁啦。查大俠原來剛做完手術在家休息，食完個晏，九十歲嘅邵老返咗酒店房間唞唞，蕭老同許老就同班當年採訪基本法起草記者敍舊話當年。
大家一坐低，就互問吓近況，兩位老護法諗起起草嘅日子，都話本基本法真係來之不易，八方都有份跟佢起草，數吓手指都有成六、七年咁長，當時起草有好多趣事，今日諗番都好回味，大家都想知，中央鬧到幾時完？有人就笑話，真係要加強基本法教育，如果一年唔夠，講夠五十年，真可怕。
（圖）前草委蕭、許二老（前左二、三）來港，抽空同當年採訪起草基本法嘅記者敍舊，重拍照留念。
傳真︰2623-9278
電郵︰