金勞詹呢排真係氣勢如虹，繼重新買入駿雷國際（070），股價勁升之後，今次又入股北方興業（736），股價勁升100%，佢點石成金的功力，似乎重厲害過金手指。
不過，北方興業噚日一開市高見4.9仙，之後一直在3.2仙至4仙徘徊，收報3.6仙，成交股數5.17億股，金額2042萬元，噚日先至上車嘅投資者，似乎冇乜甜頭。
前日華聯國際（969）有不明身份股東大手減持，配售股份，令股價勁插超過3成。噚日晏晝又傳出華瀚生物製藥（587）配股，股價即刻有反應，大跌8%。經紀陳話，市場傳聞呢批貨，並非來自大股東。由於唔知係咩人有咁大批貨要沽，所以要小心華瀚今日股價表現。
華瀚噚日一度低見1.57元，收1.60元，跌8%，而1401萬股成交中，有1300萬股係非自動對盤成交，有10球造1.59元，另外3球造1.60元。經紀陳話，市場傳聞係配股上板。
慕容小初