楊思琦、汪明荃、林峯、李永豪及羅敏莊等，昨日到李暉武術文化中心宣傳新劇《血薦軒轅》，一眾藝員在師傅帶領下學習耍劍及太極，思琦及李永豪更即場以情侶姿態擺出耍劍英姿，不過思琦耍太極時腳震震，羅敏莊亦多次因失平衡而左右搖擺，反觀阿姐則功架十足。
一眾演員又分別講解武術的知識，思琦乘機讓李永豪先發言，對男友顯得十分重視。思琦說：「唔係，因為知道豪仔細個時跟李暉師傅學過劍，咪畀佢講囉，我就真係失威，郁幾吓都出晒汗、喘晒氣，睇嚟都要多啲運動。」《血薦軒轅》上周的平均收視有二十七點，但思琦和阿姐均表示未算滿意。
此外，早前有消息指阿姐向傳媒大吐苦水遭無綫減騷及嫌拍劇辛苦，對此她說：「我都冇講過減騷，我只係話一個月四個騷，又話我嫌辛苦，你哋睇吓套劇就知我係咪啦，又要騎馬又要打，我哋嗰種辛苦係講唔到出嚟。」
採訪、攝影：卓寶花
