曾志偉和兒子曾國祥前晚結伴到尖沙嘴看新片《見鬼2》首映，志偉表示很關心陳冠希（Edison）日前在街頭遇襲事件，但不相信Edison跟人結怨。
志偉和曾國祥都曾遇襲，志偉說：「我覺得佢（Edison）唔會同人結怨，佢靚仔容易招人妒忌，實有呢啲情況。我都有㗎，公眾人物實有咁嘅問題，盡量少出入麻煩地方，我係掌門人，代表友善。」
問志偉可會避免一個人出入？他說：「我都唔會有保鑣。」他又勸喻Edison不要太招搖，他說：「人嘅個性好難去改，佢唔會特登去挑戰人哋，都係做番自己，不招人妒是庸才。」
曾國祥試過夜間往消遣時遇襲，志偉說：「上次係對方飲咗酒，咁出嚟蒲都要付出。」此外，志偉的女兒曾寶儀昨日出現機場，她來港為有線娛樂台錄影節目。