民主派摩拳擦掌希望喺九月立法會選舉，攻下過半數議席，多個功能界別議席成為狙擊目標，不過會計界立法會議員李家祥就話未驚過，聲稱自己個議席穩如泰山喎！
佢話會計界講究論資排輩，以佢了解界內資深嘅會計師，冇人係民主黨人，而幾個主要專業團體至今都非常支持佢，會計師嘅性格，出名平穩保守，俾土共一嚇，大氣唔敢透，李家祥又話自由黨已表明唔會搵人撼佢，佢同港進聯又算友好，聲稱冇外患又冇內憂，難怪咁老定啦。
（圖）李家祥話自己議席冇外患又冇內憂，十分老定。
傳真︰2623-9278
電郵︰