估唔到8×DVD燒錄仍未成氣候，話咁快極速12×又趕住出場。搶飲頭啖湯者乃燒錄機人氣品牌PLEXTOR，推出內置式DVD燒錄器，型號為PX-712A/JP，最快可達12×DVD+R燒錄，比時下屬起步中嘅8×足足快一半，呢種技術上嘅進度，相信更能加快未來DVD錄影機嘅普及程度。不過PX-712A/JP暫時開盡12×燒錄速度，只支援DVD+R，若想玩埋-R或RW，須調低燒錄速度，幸好一次過支援「＋」、「－」兩種RW燒錄制式，令兼容性及速度都更為全面。PX-712A/JP預計五月喺日本率先發售，約22,000日圓（約港幣$1,600），相比起一般8×，都只係貴五百零蚊啫，至於六月推出嘅S-ATA版就貴港幣$200度。
記者：徐影龍