羅浩楷日前突然心痛入院，被送往觀塘聯合醫院深切治療病房。顏國樑昨日出席「心晴行動慈善基金啟動典禮」時，表示曾致電羅浩楷太太詢問對方的病情，他說：「我打過畀佢太太，佢太太話佢今朝做完個『通波仔』手術，手術成功。之後佢就即刻打電話畀老婆報平安，佢亦好多謝大家關心。」
薛家燕昨日拍攝《皆大歡喜》時，表示透過顏國樑知道羅浩楷的消息，她說：「做『通波仔』要大髀開個窿，好似話全程佢都係清醒，睇住個手術點做，相信佢做完個手術都要唞番幾日，不過希望佢可以快啲康復，喺二十六號前開工拍《皆》劇。」
採訪、攝影：卓美娟、楊潔雯