台灣總統大選選情緊湊，坊間嘅賭盤都顯示，藍綠陣營賠率相當接近，究竟邊個會跑出，連經常同台灣人打交道嘅香港政策研究所主席葉國華都話好難估。
佢話雙方應相差二、三十萬票左右，雖然泛藍軍喺民意上暫時領先，但係葉國華就睇好阿扁，因為民進黨話晒都係執政黨，喺未來幾日嘅選戰埋門階段，有絕對嘅主導權咁話。而且五年前阿扁都只得到三分一嘅票數，今次有望同泛藍軍對分選票，得票數目上絕對係有進步。嘩，咁樣長台獨志氣，咪即是唔愛國？不過台灣未獨立，「華叔」今時今日已經身份獨立，大可講真話，佢唔係劉兆佳呀。
（圖）葉國華雖然話台灣戰情好難估計，但最終都揀咗阿扁。
傳真︰2623-9278
電郵︰