從抑鬱焦慮症嘅痛苦中康復過來嘅藝人「大姐明」林建明，成立咗「心晴行動慈善基金」向公眾推廣有關情緒病嘅知識，重廣邀各方名人加入。
大姐明今次真係可以話出錢又出力，佢喺噚日舉行嘅「心晴行動慈善基金」啟動典禮上，就即場宣布捐贈一百萬元畀基金，惹來全場嘩然。
另外，「玩具大王」蔡志明喺較早前都捐咗一百萬畀該基金，因為佢個二女蔡加穎都係因為患咗抑鬱症自殺身亡，所以佢都好希望出一分力，幫助患有抑鬱焦慮症嘅人。
（圖）大姐明（中）噚日宣布捐贈一百萬元畀心晴行動慈善基金。
傳真︰2623-9278
電郵︰