資訊科技界九月立會選舉睇嚟會有一番激戰，競逐第三次連任嘅白鴿黨單仲偕一從台灣返嚟就推出一個資訊科技界選民登記網頁（圖），叫啲IT人未登記嘅記得喺5.16前登記。
八方問偕哥，如果權智國際老細譚偉豪真係出馬，點睇？偕哥先澄清個網頁一早準備好，佢重好有信心話，對手出嘅「快易通的確好好賣，但係選舉係另一回事」。睇返往績，偕哥第一次勝出攞咗六成半票，第二次攞七成半，IT人係中產階級，喺咁嘅風頭火勢，斷唔會唔選民主黨，雖然係咁，今次佢話會盡全力。
台選單仲偕就看高連宋一線，佢話2.28手牽手護台條橋本來係藍營鄭安國度出嚟，但係國親認為有難度不用，結果阿扁偷橋成功，最後連宋痛定思痛，搞咗個3.13大反撲，𠵱家形勢逆轉，可見選舉要爭到最後一刻。
傳真︰2623-9278
電郵︰