相信大家都知心臟病係香港主要殺手之一，病者對抗心臟病更加係一場既痛苦又漫長嘅戰爭。由各類心臟病患者組成嘅「關心您的心」同香港醫學會，將會喺呢個月二十八日晚上，喺大會堂舉行一場「杏林關心您的心慈善音樂會」，期望籌得三十萬善款，為心臟病患者提供支援。
今次音樂會已經邀請到醫學會合唱團、醫院管理局中樂團同「關心您的心」舞蹈組一齊演出，已經知道其中一項表演係中樂團以中樂奏出名曲《生死戀》，再由合唱團以英文唱出，名副其實中西合璧。
由於今次音樂會屬慈善性質，捐款嘅朋友先可以攞到門券，有興趣嘅朋友可以致電醫學會（25278941）同「關心您的心」（26140422）查詢。
傳真︰2623-9278
電郵︰