要好好咁保養一部Notebook，話難唔難，話易亦唔算易，不過只要有以下幾件小工具幫手，就變得簡單方便得多。
記者、攝影：許福合
千祈唔好睇小Notebook所產生嘅熱力，尤其機底溫度更係唔嘢小，長期㷫住難免有損機件壽命，只要喺機底加張散熱板，就可加快機底散熱，就算成晚煲機都穩定得多。每塊$120，對比昂貴嘅電腦絕對唔慳得。
唔少人習慣用滑鼠，轉咗用Notebook就更覺得唔就手，所以經常會帶多隻滑鼠喺身邊，呢款滑鼠好用之處，係USB線識得自動伸縮，唔用時可以自己捲埋，方便收藏，唔使次次開機關機都踢晒腳。
無論係Notebook定係一般LCD，最怕就係個芒印上手指模，所以不妨帶隻狗仔抹布回屋企，既可當作裝飾品，又可以隨時用嚟抹芒，一物兩用，尤其係嚟緊嘅復活節，當禮物送畀小朋友或女友都唔錯。
查詢電話：28335990
地址：灣仔電腦城1樓119-120號舖