唔知各位記唔記得，恒生銀行副董事長兼行政總裁鄭海泉講過，話二○○三年賺嘅一分一毫，都會喺年報公布。八方最近睇恒生網站見到佢哋嘅年報，真係公布得好清楚，原來鄭大班去年賺咗七百六十八萬八千元，較○二年多唔夠兩個巴仙，裏面六百六十三萬六千元係薪津及實物收益，十萬蚊袍金，就會轉由滙豐收取。
除咗鄭大班之外，佢嘅兩位頭馬，陸觀豪同莫偉健嘅酬金都有公布，分別為五百二十七萬元及四百四十四萬八千元。大家可能記得，陸觀豪之前幫「恒生至叻Kid」主題曲填詞，睇怕係最富貴嘅填詞人。
傳真︰2623-9278
電郵︰