無綫「2004年度香港小姐競選」昨日在尖沙嘴香格里拉酒店舉行記者招待會，並宣布本月十六日開始接受報名，一班港姐及由男藝員組成的「TheB.E.S.T.Team」均有出席，而五位港姐為了宣傳招募，更悉心打扮，參選期間獲「修身美態獎」的李嘉怡，就以低胸貼身裙突圍，搶去其他港姐風頭。
李嘉怡說：「呢啲衫係公司安排，係比較低胸少少，我自己都有擔心，因為參選港姐到𠵱家都冇着過咁少衫，可能係因為宣傳港姐，我又攞過『修身美態獎』。」
冠軍曹敏莉對於風頭被搶，她大方地說：「又唔係鬥性感，啲衫公司揀，我就覺得各有各靚，冇乜所謂！」不過就現場所見，曹敏莉的確比去年選美獲獎時胖了，她說：「可能係有少少，都係要睇狀態，但最緊要健康。」
