2004年度PorscheInfineonCarreraCupAsia賽事會於嚟緊嘅3月21日，假馬來西亞雪邦國際賽車場上演第一回合賽事，多位車手包括衞冕冠軍嘅關兆昌，將繼續代表TeamInfineon-Novellus應戰，而其死對頭、代表FuspeedRacing嘅泰國車手拿達活亦會捲土重來。
記者：鄭達基
花式電單車手加入戰團
除兩位大家熟識嘅車手會出戰今屆賽事外，原來重有兩位年輕車手值得留意，其中一位就係代表捷成車隊嘅23歲中國車手歐陽若曦，佢響上月於雪邦賽車場舉行嘅試車活動中表現出色；另外一位會係代表PorscheInfineonCarreraCupAsia合作夥伴──Puma出賽嘅20歲美國車手柏斯查拿（TravisPastrana），佢雖然係一位極限運動（X-Games）金牌得主以及花式同越野電單車好手，但亦曾以保時捷戰車參加其他汽車競運賽事，故此對今次駕駛嘉賓車出戰第一回合賽事，絕對稱得上係易如反掌。這兩批新舊車手的惡鬥亦將成為賽事焦點。
