香港電影金像獎頒獎禮就嚟舉行，中大新聞與傳播學院嘅學生報《大學線》上月做咗個關於大學生睇戲口味嘅調查，喺三百幾個大學生中，有五成二人揀《無間道II》同《無間道III》，作為○三年大學生至愛電影，大大拋離得票一成一嘅愛情片《向左走向右走》。
最多大學生鍾意睇嘅電影類型係劇情片，得票率有三成；其次係得票兩成一嘅笑片，愛情片排第三。
至於最受歡迎嘅本地男明星，兩成六大學生選梁朝偉，而劉德華今次亦都係咁唔好彩又做梗頸二，輸咗兩個百分點咁大把，黃秋生就以一成一得票攞到個季軍。至於女明星方面，三甲依次係張曼玉、鄭秀文同楊千嬅。
傳真︰2623-9278
電郵︰