噚日,廸生創建主席潘廸生落實承租鷹君旺角朗豪坊,可能名牌潘想襯番旺角嘅平民形象,永遠以官仔骨骨形象出席記者會嘅佢,今次居然冇打呔喎,一身李卓人咁嘅裝束,令到八方及在場嘅老記紛紛竊竊私語,研究係唔係有乜嘢微言大義?
一向不苟言笑嘅名牌潘居然笑笑口咁話,今次冇打呔都係鷹君副主席羅嘉瑞嘅錯,因為佢哋識咗咁耐,每次見面食飯羅大夫都無打呔,所以今次專登唔打呔想襯番佢,勢估唔到羅大夫又特登打呔嚟襯佢,結果襯嚟襯去,出到嚟都係一個打呔、一個冇打呔。
羅大夫見名牌潘爆佢嘅嘢,佢又爆番名牌潘「練」租好盡,就算歐遊時亦不忘打長途電話番嚟講價。
(圖)潘廸生特登唔打呔想襯羅嘉瑞,點知羅嘉瑞噚日又無端端打咗呔。
傳真︰2623-9278
電郵︰