財爺唐英年嘅處男財政預算案上個禮拜出爐，佢噚日現身香港總商會午餐會，聽吓千幾名商界人士嘅意見。出席嘅包括有「小超人」李澤鉅、滙豐亞太區主席艾爾敦、馬會CEO黃至剛等，總之就猛人雲集。
到目前為止，坊間對預算案嘅反應都算唔錯，唐唐一上台就鬼咁風騷，猛咁推銷佢個自訂車牌計劃。佢叫在場嘅商家，不妨出番個「RICHGUY」（有錢人）或者「TOPNOTCH」（一流）嘅牌，至於佢自己，佢話有人建議佢掛個「TAXMAN」（收稅佬）喺架車度，之不過，為咗唔想令人一見佢架車就走人，唐唐話寧願用「USERPAY」（用者自付）做車牌咁話喎。
傳真︰2623-9278
電郵︰